• CSP Times

與香港羽毛球男子運動員鄧俊文的一個訪問

訪問


相信不少香港人對於去年舉行的東京奧運會依然歷歷在目,而其中香港羽毛球混雙隊更在賽場上屢刷紀錄,「鄧謝配」這組合亦變得廣為人知。儘管獲得暴升的人氣,但他們亦不忘自己職業運動員的身分。我們很開心能夠和鄧俊文進行訪問,了解更多他對於職業羽毛球運動員的看法,以及了解更多關於他作為一名運動員的生活。


這篇文章也有英文版本


jordan chun man tang

您為何會選擇成為一名職業羽毛球運動員?它最吸引您的地方是甚麼?


因為我由細到大嘅夢想都係可以參加到奧運會,加上因為我好熱愛呢個運動,我想令到自己更加進步可以攞到更好嘅成績,所以我必須成為一個職業羽毛球運動員先可以令我有一個好好嘅環境比我進行高質素嘅訓練。


jordan chun man tang

您認為成為職業羽毛球運動員需具備甚麼條件?


例如好似我咁我係一個雙打羽毛球運動員,我認為拍檔有良好溝通係非常之重要,因為喺訓練當中都會遇到好多困難,一定要有良好嘅溝通先可以解決唔同嘅難題,加上一定要有一個不怕辛苦嘅心態因為成為一個運動員必須會經過好多辛苦嘅訓練。



能大概描述一下您一天的訓練生活是怎樣的嗎?


我基本上每一天由9:00開始訓練到12點(技術訓練),之後有4小時休息時間,之後四點訓練到6:30(體能和力量訓練)。


jordan chun man tang

哪一個比賽是您最印象深刻的?


令我最深刻印象嘅比賽就係2020年東京奧運會,因為依個比賽係我哋雙打組主教練陳康教練最後一次帶我哋嘅比賽,我哋好希望可以攞到一個獎牌俾佢留念,雖然我哋最後只能夠以第四名完成比賽,但係佢都同我哋講已經好滿足。見到我哋一路以來嘅成長對佢來講已經好大嘅回報。


jordan chun man tang

成為羽毛球運動員後最令您辛苦或難過的事是甚麼?


過得最辛苦嘅時刻就係我哋每逢冬天都會加強我哋嘅訓練強度,因為我本身都好怕跑步所以喺嗰一個時候我都會想逃避,但係我嘅教練同我講一定要練得辛苦先至會有好嘅結果。令我最難過嘅時期就係我拍檔受傷嘅時候,喺嗰個時候我都會覺得好無助好冇目標,好彩有教練一路喺我旁邊安慰我指導我。


為了在正式比賽中達到最佳狀態,您會進行哪些身體管理?


我哋通常會在比賽前一個半月進行高強度嘅訓練以達致身體去到最佳狀態,我哋會在體能和力量方面加強,另外充足嘅休息對我哋來講係最重要嘅,因為喺高強度嘅訓練當中如果恢復不夠快會令身體受傷。


jordan chun man tang

您會如何排解壓力?有甚麼其他愛好嗎?


通常有壓力嘅時候我會選擇聽吓歌和食嘢啊,因為食嘢係我除咗羽毛球之外第二個最鍾意嘅活動,只要食到我鍾意食嘅嘢我心情就會好好多。


您為自己於2022年訂立了甚麼目標?


2022年有兩個目標分別係亞運會和世錦賽我哋希望可以喺依兩個比賽可以攞到獎牌。



所有照片均取自鄧俊文的社交媒體